D Wiehnachtsgschicht vom aute, grimmige Gimpu Grimmpu, ä schlächt glunte Vogu wo d Wiehnachtszit hie ar Cheuti verbringt und zum Trotz nid mit sine Artgenosse i Süde flügt. Är trifft ufem Weihnachtsmärit ds Marroni Roni, es Ching wo Marroni verchouft u handörgelet. Ds spezieue dranne – ds Buech het usklappbari Site. Me chase uffaute u dürdas cha jedi Szene neu entdeckt wärde. Immer zersch us dr Sicht vom grimmige Vögeli u de offe, us dr Sicht vom Roni. So chame zäme mit dene beide spezieue Fründe, überre Weihnachtsmärit ga schnöigge u dr Zouber vo dr Wiehnachtszit entdecke. Wärte wie, Wärtschetzig, Fründschaft und Familie wärde derbii gross gschribe.